ಪ್ರಸ್ತುತ ಶಿವಮೊಗ್ಗ ಜಿಲ್ಲೆಯ ಪದವೀಧರರ ಸಹಕಾರಿ ಸಂಘದ ಸತತ 6ನೇ ಬಾರಿಯ ಅಧ್ಯಕ್ಷರಾಗಿ ಸಶಕ್ತವಾಗಿ ಕಾರ್ಯ ನಿರ್ವಹಿಸುತ್ತಿರುವ ಅನುಭವ. ಅದರಲ್ಲೂ ವಿಶೇಷವಾಗಿ ಸಂಸ್ಥೆಯನ್ನು ಹಣಕಾಸಿನ ವಿಚಾರದಲ್ಲಿ ಯಾವುದೇ ವಿವಾದಗಳಿಲ್ಲದೇ ಸತತ ಹತ್ತು ವರ್ಷಗಳಿಂದ ನಡೆಸಿಕೊಂಡು ಹೋಗುತ್ತಿರುವ ಕೀರ್ತಿ.

​

ಸದರಿ ಸಂಸ್ಥೆಯು 45 ವರ್ಷಗಳ ಹಿಂದೆ ಶಿವಮೊಗ್ಗ ನಗರದ ಪದವೀಧರ ಶಿಕ್ಷಕರು, ವರ್ತಕರು, ವಕೀಲರುಗಳೆಲ್ಲಾ ಸೇರಿ ಮೈಸೂರಿನ ದಿ ಗ್ರಾಜುಯೇಟ್ಸ್ ಕೋ ಆಪರೇಟಿವ್ ಬ್ಯಾಂಕಿನ ವ್ಯವಹಾರಗಳನ್ನು ಅಭ್ಯಸಿಸಿ, ಶಿವಮೊಗ್ಗ ನಗರದಲ್ಲೊಂದು ಅಂತಹ ಸಹಕಾರ ಸಂಘವನ್ನು ಆರಂಭಿಸಲು ಮುನ್ನುಡಿಯಿಟ್ಟು 1971 ರಲ್ಲಿ ಸಂಘವು ಸ್ಥಾಪನೆಯಾಯಿತು. ಸಂಘದ ನೋಂದಣಿಯ ನಂತರದ ಆರಂಭದ ವರ್ಷದಲ್ಲಿ ಕೇವಲ 163 ಸದಸ್ಯರನ್ನು ಹೊಂದಿ ರೂ. 8276-00 ರೂಪಾಯಿಗಳ ಷೇರು ಬಂಡವಾಳದೊಂದಿಗೆ ನ್ಯಾಯವಾದಿ ಆರ್.ಆರ್. ರುದ್ರಪ್ಪರವರ ಅಧ್ಯಕ್ಷತೆಯೊಂದಿಗೆ ಆರಂಭವಾಯಿತು. ರೂ 1001-00 ಠೇವಣಿ ಸಂಗ್ರಹಣೆ ಹಾಗೂ 5400-00 ಸಾಲ ನೀಡಿಕೆಯಿಂದ ಸಂಘ ಮೊದಲ ಒಂದು ವರ್ಷವನ್ನು ಪೂರೈಸಿತು. ಇವರ ಅಧಿಕಾರಾವಧಿಯಲ್ಲಿ ಈ ಅಂಕಿ ಅಂಶಗಳನ್ನು ಇಂದಿನ ಅಂದರೆ 2019 ರ ಮಾರ್ಚ್ ಮಾಹೆಯಲ್ಲಿರುವ ಪ್ರಗತಿಗೆ ಹೋಲಿಸಿದಾಗ ಸದಸ್ಯರ ಸಂಖ್ಯೆ 6295 ಆಗಿದೆ. ಈಗ ಷೇರು ಬಂಡವಾಳ ರೂ 2.36 ಕೋಟಿ, ಠೇವಣಿಗಳ ಸಂಗ್ರಹ  ರೂ. 37.16 ಕೋಟಿ, ನೀಡಿರುವ ಸಾಲ ರೂ. 30.24 ಕೋಟಿ, ಆಪದ್ಧನ ನಿಧಿ ರೂ 1.58 ಕೋಟಿ, ಇತರೇ ನಿಧಿಗಳು 3.92 ಕೋಟಿ, ಒಟ್ಟು ವಹಿವಾಟು 88.68 ಕೋಟಿ, ಒಟ್ಟು ಆದಾಯ 4.53 ಕೋಟಿ ನಿವ್ವಳ ಲಾಭ ರೂ. 1,22,59,946.00 ಗಳಿಸಿರುತ್ತದೆ. ಸಂಘದ ಸದಸ್ಯರ ಸುಸ್ತಿಸಾಲದ ಪ್ರಮಾಣವು (NPA) 0.42% ರಷ್ಟಿರುತ್ತದೆ. ಸದಸ್ಯರಿಗೆ ರಾಷ್ಟ್ರೀಕೃತ ಬ್ಯಾಂಕುಗಳಿಗಿಂತ ಕಡಿಮೆ ಬಡ್ಡಿ ದರಗಳಲ್ಲಿ ಸಾಲವನ್ನು ನೀಡಲಾಗುತ್ತಿದೆ. 2016ರ ಇವರ ಅಧಿಕಾರಾವದಿಯಲ್ಲಿ ಸಂಘವು "ಉತ್ತಮ ಸಹಕಾರ ಸಂಘ" ರಾಜ್ಯ ಪ್ರಶಸ್ತಿಗೆ ಭಾಜನವಾಗಿರುತ್ತದೆ. 

​

2017-2018 ರಲ್ಲಿ ಶಿವಮೊಗ್ಗ ಜಿಲ್ಲಾ ಸಹಕಾರಿ ಯೂನಿಯನ್‌ನಿಂದ ಈ ಸಂಘದ ಆಧ್ಯಕ್ಷರಾದ ಶ್ರೀ ಎಸ್.ಪಿ. ದಿನೇಶ್‌ ರವರಿಗೆ ಜಿಲ್ಲೆಯ "ಅತ್ಯುತ್ತಮ ಸಹಕಾರಿ" ಎಂದು ಜಿಲ್ಲಾ ಪ್ರಶಸ್ತಿ ನೀಡಿ ಗೌರವಿಸಲಾಗಿದೆ.  2020-21 ರಲ್ಲಿ ಸಂಸ್ಥೆಯು ಶಿವಮೊಗ್ಗ ಜಿಲ್ಲೆಯ ಅತ್ಯುತ್ತಮ ಸಹಕಾರ ಸಂಘವೆಂದು ಶಿವಮೊಗ್ಗ ಡಿ.ಸಿ.ಸಿ. ಬ್ಯಾಂಕಿನಿಂದ ಗೌರವಿಸಲಾಗಿದೆ. 

​

2002-03 ರಲ್ಲಿ ಸಂಘದ ವ್ಯವಹಾರವನ್ನು ಪೂರ್ಣ ಲ್ಯಾನ್ ಮೂಲಕ ಗಣಕೀಕರಣ ಗೊಳಿಸಲಾಗಿದ್ದು ರಾಜ್ಯದಲ್ಲಿಯೇ ಕನ್ನಡದಲ್ಲಿ ಗಣಕೀಕೃತ ಗೊಳಿಸಿರುವ ಪ್ರಪ್ರಥಮ ಸಂಸ್ಥೆಯಾಗಿದ್ದು ಸಂಘದ ಅಧ್ಯಕ್ಷರಾದ ಎಸ್.ಪಿ. ದಿನೇಶ್‌ ರವರ ಮೇಲುಸ್ತುವಾರಿಯಲ್ಲಿ ಸಂಸ್ಥೆಯು ಮುನ್ನಡೆಯುತ್ತಿದೆ.  ಅಲ್ಲದೇ ಸಂಸ್ಥೆಯ ಅಡಿಟಿಂಗ್‌ "ಎ ಗ್ರೇಡ್‌" ಆಗಿದ್ದು ಇದು ಇವರ ಆಡಳಿತದ ಪಾರದರ್ಶಕತೆಗೆ ಮತ್ತು ದಕ್ಷತೆಗೆ ಉದಾಹರಣೆಯಾಗಿದೆ.